الرئيسية
أحدث الصور
التسجيل
دخول
المُحبه للشهادهالمراقبة العامة
- الجنس :
عدد المساهمات : 3576
تاريخ التسجيل : 29/12/2012 
قولي صحيح .. حتصوم ولا زي كل سنة؟
5th يوليو 2013, 7:08 pm
[b]بما إن رمضان خلاص على الأبواب كل سنة وانت طيب [/b]
_ قولي صحيح أنت حتصوم ولا زي كل سنة؟
ايوة قولي بجد حتصوم ولا زي كل سنة؟!
_اه يا سيدي أنا صايم زي كل سنة !
_لالا ده مش هزار أنا بسألك ومش عايزاك تصوم زي كل سنة
أيوة ده سؤال والمفروض تجاوب
حتصوم ؟
أنا عارف انك حتقولي إيه السؤال الغريب ده هو في مسلم مببيصومش
أه فيه ..
يلا جاوبني بقا حتصوم؟
_اه طبعا حصوم.
_ طيب هتصوم ازاي؟؟
_لالالالااا إيه الأسئلة العجيبة دي يا عم
في حد ما بيعرفش يصوم
كل الناس عارفة
_لا والله يا أخي وانتِ يا أختي
في ناس كتير مش عارفة
يمكن ناس كتير عايشة بقالها 20 و [b]30 و40 و50 سنة[/b]
ناس كتير بقالها سنين بتصوم
بس متعرفش تصوم
قولي بقا انت هتصوم ازاي
قولي وخدني علي قد عقلي.
_ ماشي يا سيدي حصوم إن شاء الله من الفجر للمغرب
_ بس؟
_ اه طبعا من بداية أذان الفجر ولما يأذان المغرب حفطر.
_اه يعني بس؟
_ اه بس هو في فتوى جديدة ولا حاجة ؟
_ لا أبدا مفيش ولا فتوى جديدة ولا حاجة احنا بنتناقش بندردش بمناسبة حلول شهر رمضان
يمكن انا اتعلم منك أو انت تتعلم مني
_طيب سؤال تاني معلش
حتصوم بإيه؟
مش فاهم السؤال في الاول هتصوم والا زي كل سنة وبعدها
هتصوم ازاي ودلوقتي هتصوم بايه لأ زودتها بقا !!
_ طيب معلش خليك معايا
يعني هتصوم بمعدتك
ولا هتصوم بأذنك
ولا هتصوم بعينك
ولا هتصوم بلسانك
ولا هتصوم بقلبك
هتصوم بجميع جوارحك
هتصوم بايه قولي
_ااااااااااااااااه دلوقت فهمت .
[b]_ يا جماعة الموضوع محتاج وقفة مع النفس[/b]
يا جماعة والله مش مجرد كلام
في ناس كتير بتبتدي صيامها صح وبتفقده في آخر اليوم
بتسمع الغيبة والنميمة..بتسمع الأغاني
سلمت أذانها للمنكرات..خلاص كده فقدت شئ
مصامتش بأذانها
طيب انت بقى حتعمل ايه
حتصوم بأذنك
طب يلا اوعد كده ومد ايدك خليك راجل
خلي بالك انت لما بتوعد واحد صحبك بتكون قد الوعد
عشان الرجل ما ينفعش يرجع في كلمته
وانتي لما بتوعدي والدك او والدتك ماتقدريش ترجعي
احتراماً لوالديكي
خلي بالك قبل ما توعد
خلي بالك قبل ما توعدي
انتِ وانت هتوعدوا مين ؟؟
هاااااااااا
هتوعدوا ربنا
_آه هوعد
_ طيب جدع خلاص وعدنا ربنا
يارب هصوم بمعدتي وهصوم بأذني
اه بمعدتك ماانت قلت في الاول انك
بتصوم بمعدتك من الفجر للمغرب
[b]وحصوم بأذني[/b]
[b]مش هسمع منكرات خلاص[/b]
[b]يجي صاحبك يقولك هحكيلك تقوله لأ انا صايم[/b]
[b]ارجوك انا صايم ماتجبش في سيرة حد[/b]
نيجي لتالت شئ حتصوم بعينك ؟
_إزااااااااااااااي بقى ؟؟
_غض بصرك
_ مقدرش ده بيبقا في ناس في الشارع غصب عني ماينفعش
_قول لنفسك أنا صايم صايم صايم
صايم بمعدتيوصايم بأذني وصايم بعيني
تيجي بنت تعدي تفكر عينك انا صايم مش هبص
وانتي..كمان حتغضي بصرك
_ ايه ده انا كمان؟
ايوة يا أختي غضي بصرك
التليفزيون والنت ..و المسلسلات و الأفلام..و..و
[b]أيوة يا جماعة خلوا بالكوا
[/b]وانتظرووووووووني علشان نشوف مع بعض حنصوم بإيه كمان
منقووووووووووول
شفيعي قرآنيمشرفة
- الجنس :
عدد المساهمات : 5507
تاريخ التسجيل : 13/01/2013
رد: قولي صحيح .. حتصوم ولا زي كل سنة؟
5th يوليو 2013, 7:09 pm
وفقكم الله ورعاكم وننتظر الجديد منكم
- المُحبه للشهادهالمراقبة العامة
- الجنس :
عدد المساهمات : 3576
تاريخ التسجيل : 29/12/2012
رد: قولي صحيح .. حتصوم ولا زي كل سنة؟
5th يوليو 2013, 7:11 pm
كلامي النهاردة عن حاجة مهمة جدااااااااااااا خودوا بالكوا منها ياجماعة
التكنولوجيا .. [b]
التكنولوجيا اللي احنا فيها أكبر مشكلة لو معرفناش نستغلها صح ممكن تكون داخل أو داخلة عالنت تعمل خير تلاقي نفسك خوضت في اشياء تانية تفسد عملك و تهلك الخير الي عملته
صح ؟؟حتقولي طبعا صح الصح
هاااااا مين بقى حيعاهد ربنا ينضف بروفيل الفيس من كل ما يغضب الله ؟؟
هتحطي صورك عالفيس تاني أو حتحطي صور نساء؟؟
انت حتنظر للنساء ؟؟
وانتي هتنظري لرجل مش من محارمك
هااااااااااااااااا يا جماعة
مين حيوقف الأغاني ويبطل يسمع وينشر عالفيس
خدوا بالكم من الوعد التالت مين هيمد ايده و يوعد ؟؟
[/b]
- بس ..
مفيش بس ..
يلا بسرعة عاهد ربك وامسح ذنوبك بأستيكة
واوعى تنسى .. حتصوم بإيه ؟؟
إن شاء الله صايم بمعدتي وصايم بأذني وصايم بعيني
حتصوم ازاي؟
حصوم صح
[b][b][b][b]وخلي بالك كتير منننا بيوعد وبيلتزم أول أيام شهر رمضان وبعدها بينسي .. ااااااااااااااااااه بينسي
إزاي ؟؟
[/b][/b][/b][/b][b]أقولك يا سيدي ..[/b]بتشوف ناس في الشارع وفي رمضان للأسف صايمين بس صايمين صيام بطن بس ..
مثلا
تلاقي واحد ماشي بعربيته خبط في التاني كل واحد منهم ينسي انه صايم وينسي ان اللي أدامه ده مسلم ويشتم ويضرب ويقولك لازم اخد حقي
لاااا يا أخي انت كده مخدتش حقك..انت كده ظلمت نفسك
يلا بسرعة عاهد ربك وامسح ذنوبك بأستيكة
واوعى تنسى .. حتصوم بإيه ؟؟
إن شاء الله صايم بمعدتي وصايم بأذني وصايم بعيني
حتصوم ازاي؟
حصوم صح
[b][b][b][b]وخلي بالك كتير منننا بيوعد وبيلتزم أول أيام شهر رمضان وبعدها بينسي .. ااااااااااااااااااه بينسي
إزاي ؟؟
[/b][/b][/b][/b][b]أقولك يا سيدي ..[/b]بتشوف ناس في الشارع وفي رمضان للأسف صايمين بس صايمين صيام بطن بس ..
مثلا
تلاقي واحد ماشي بعربيته خبط في التاني كل واحد منهم ينسي انه صايم وينسي ان اللي أدامه ده مسلم ويشتم ويضرب ويقولك لازم اخد حقي
لاااا يا أخي انت كده مخدتش حقك..انت كده ظلمت نفسك
- بس للأسف الواحد أوقات مبيقدرش يتحكم في أعصابه اللي أدامي بيشتمني غصب عني انا راجل دمي بيغلي لو مشيت من أدامه هيفتكرني ضعيف هقوله الله يسامحك كده وامشي لالا ماقدرش مبعرفش
يااااااااااااااااااااااه ده انت غلبان اوي أنت فاكر كده
- اه أومال ايه
لا يا أخي جهلت فأخطأت
((وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين))
لالا صدقني مش بقدر اعفيني من لساني مش بقدر اسكت
ماينفعش يا أخي تقول اعفيني
((أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْض))
((وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين))
لالا صدقني مش بقدر اعفيني من لساني مش بقدر اسكت
ماينفعش يا أخي تقول اعفيني
((أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْض))
- بس انا خايف ماقدرش اكظم غيظي واخلف وعد ربنا وده مش اي وعد
طيب درب قلبك
- ادرب قلبي ..قصدك لساني
لأ أقصد تدرب قلبك .
أقولك إستناني المرة الجاية حفهمك ..
يتبع إن شاء الله ....
[b]
[/b]- المُحبه للشهادهالمراقبة العامة
- الجنس :
عدد المساهمات : 3576
تاريخ التسجيل : 29/12/2012
رد: قولي صحيح .. حتصوم ولا زي كل سنة؟
5th يوليو 2013, 7:11 pm
إن شاء الله
بارك الله فيكم أسعدنى متابعتكم لى
قلبي وقف لله تعالىمؤسس المنتدي
- الجنس :
عدد المساهمات : 30120
تاريخ التسجيل : 22/12/2012
رد: قولي صحيح .. حتصوم ولا زي كل سنة؟
5th يوليو 2013, 10:48 pm
بارك الله فيكم
- المُحبه للشهادهالمراقبة العامة
- الجنس :
عدد المساهمات : 3576
تاريخ التسجيل : 29/12/2012
رد: قولي صحيح .. حتصوم ولا زي كل سنة؟
5th يوليو 2013, 11:25 pm
وفيكم بارك الله
جزيتم خيراً
جزيتم خيراً
- المُحبه للشهادهالمراقبة العامة
- الجنس :
عدد المساهمات : 3576
تاريخ التسجيل : 29/12/2012
رد: قولي صحيح .. حتصوم ولا زي كل سنة؟
7th يوليو 2013, 12:08 pm
إفتحلي قلبك بقى علشان يفهم النهاردة ايه المطلوب منه بالظبط.
" أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا ۖ فَإِنَّهَا لَا تَعْمَى الْأَبْصَارُ وَلَٰكِنْ تَعْمَى الْقُلُوبُ الَّتِي فِي الصُّدُورِ" [ الحج : 46 ]
عايزك يا سيدي تدرب قلبك مهما اتعرضت لموقف صعب حيبوظ أعصابك انك تمسك نفسك لله .
إمسك نفسك لله ..
افتكر كدة ذنب واحد بس وتخيل نفسك أدام ربنا بيسألك عليه ..ربنا يسترنا ويعفو عنا
يوم عصيب تشيب فيه الولدان.
كتير من السلف الصالح كانوا بيخافوا من الموقف ده إحساس الخجل والكسوف من ربنا صعب أوي.
منفسكش ربنا يسترك يومها ؟؟
إسمع كده ..جزء من حديث بن عمر صححه الألباني في صحيح الجامع
" ومَنْ كفَّ غضَبَهُ ، سَتَرَ اللهُ عوْرَتَهُ ، ومَنْ كظَمَ غيْظًا ، ولوْ شاءَ أنْ يُمضِيَهُ أمْضاهُ ، مَلأَ اللهُ قلْبَهُ رضِىَ يومَ القيامةِ "
ياااااااااااااه لو دخل قلبك..ربك يسترك ويملى قلبك رضا
لو بس ..كظمت غيظك ..
ومش كدة بس شوف الحديث ده كمان ..
ياااه سبحان الله أنا مكونتش فاكر الحكاية كدة
بس برده..
مش عارف ..أنت شايف الظروف اللي احنا فها ..
عاااااارف ياسيدي حتقولي السياسة والواحد طول اليوم مناقشات وكلام وأخد ورد وغصب عني بتنرفز
حقولك لااااااااا خود بالك الشيطان السنة دي مظبط حاله أوي وعايز يدخلنا رمضان بالصورة اللي هو عايزها ..
الحل انك تفصل ..كفاية كلام بقى واحفظ لسانك ..
المشكلة ان كتر الكلام بيخليك توقع في غيبة ونميمة ودي مشكلة كبيرة أوي
مهو الشيطان عايزك تشترك في العرض الرمضاني الجديد
ويبقى تخلي كلامي ليك النهاردة شعار لحد رمضان وفي رمضان وبعد رمضان
هااااا حتعاهد ؟؟
خليك أدها
أيوة حعاهد ربنا
صايم بمعدتي وأذني و عيني ولساني
ياااااااارب قدرني أحافظ على العهد.
ربنا كريييييييم أوي وحياخود بإيدك ..بس استنى لسة مخلصتش كلامي
لسة أهم حاجة هي الأساس لكل اللي فات
إيه هي ؟؟
لا خليها المرة الجاية ..
[b]
[/b]بقلم أخت لنا فى الله ...
الله يجازيها كل خير ..
يتبع إن شاء الله ..
دمتم في طاعة ..
- »ـالغےـايب ـالحےـاضر»المراقب العام
- الجنس :
عدد المساهمات : 581
تاريخ التسجيل : 06/04/2013
رد: قولي صحيح .. حتصوم ولا زي كل سنة؟
7th يوليو 2013, 7:48 pm
جزاك الله خير بنتظار الاباقي منكم
- المُحبه للشهادهالمراقبة العامة
- الجنس :
عدد المساهمات : 3576
تاريخ التسجيل : 29/12/2012
رد: قولي صحيح .. حتصوم ولا زي كل سنة؟
7th يوليو 2013, 8:58 pm
ان شاء الله
بارك الله فيكم
بارك الله فيكم
فاستقم كما امرتالدعم الفني والتقني
- عدد المساهمات : 616
تاريخ التسجيل : 23/12/2012
رد: قولي صحيح .. حتصوم ولا زي كل سنة؟
7th يوليو 2013, 9:15 pm
جزاك الله خير
- المُحبه للشهادهالمراقبة العامة
- الجنس :
عدد المساهمات : 3576
تاريخ التسجيل : 29/12/2012
رد: قولي صحيح .. حتصوم ولا زي كل سنة؟
7th يوليو 2013, 11:47 pm
وجزاكم الله مثله
بارك الله فيكم
صلاحيات هذا المنتدى:
لاتستطيع الرد على المواضيع في هذا المنتدى