طاجين كويرات السردين لذييييييييذ

15th يناير 2013, 7:56 am

<P align=center>السلام عليكم ورحمة الله وبركاته

[size=21]المقادير
كفتة السردين مطحونة وفيها الثومة و الربيع والبصلة
واحد القضية البصلة مشلضة(اول مرة نجربها مع الكويرات عطات لذة خطيييييرة حيث أصلا كنديرها مع الكفتة دالسردين الى كنت غادي نشويها اولا نقليها)
والعطرية
(ملح بزار خرقوم تحميرة كامون سكين جبير وورقة الرند)
زيت الزيتون و المائدة
خيزو وبطاطا مرة كنديرهم مرة لا
شوي الزيتون
الحامض

الفلفلة حلوة للتزين+ وحدة مشلضة مع البصلة للنصيب اممممممم

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 648x486 الابعاد 47KB.

[size=21][b]والصلصة العجيبة طبعا

كنديرو الزيت البلدية والرومية يسخنو ونرميو فيهم البصلة و الفلفلة حلوة غير شوي منشحروهمش بزاف حنت هوما لي غادي يهزو الحراق على الطجين من لتحت وغادي يتعلكو مع الطياب

نرميو فوقهم الصلصة نكونو يالله موجدينها وباقة سخونة باش دغيا يغلا الطجين

نرميو خيزو هو الاول(كيبغي الطياب)

عاد البطاطا

نغطيو طويجين ديالنا نخليو الخضيرة تطبخ ونمشيو نكورو الكفتة

انا كنفضل لكويرات صغيورين

الخضرة طبخات شوي

نرميو لكفيتة طيب

نزينو بلي بغينا.انا كنحماق على الفلفلة حلوة كيفما كانت يا خضرةيا مشوية يامقلية............ريحتها كتحمقني
ممكن هنايا ندوبو شوي مطيشة دالحك فالماء طايب ونزيدوها كتجي رائعة

ونديرو الزيتون والحامض

ونسدو عليه ونقصو العافية تكون مهييييييلة ونحضيو معاه منين يغلا نهزو الغلاقة بمعيلقة باش ميفيضش
وها هو وجد .اممممممممممم واحد اللدة منقولش ليكم حتى تجربوه

نتمنى تجربوه بطريقتي لانو كيجي لذيييذ ولي داقو يحماق عليه و الله العظيم وكناكد على البصلة مع الكفتة و فالنصيب راها كتصرعو

نصيحة

باش الطجين ميتشققش متغسلوهش وطيبو بيه مباشرة خاصو يكون ناشف مزياااان

منقول للامانة
[/size][/b][/size]